_-_bauta_ved_Sambygg,_Vinje.jpg)
Om kunstverket
Reist av: Venner. Initiativtakarar var Ivar Lydvo, Ivar Husdal, Peder Vangsnes og Gudleik Engeland, Gisle Bruland og Einar Østad. Avduka: 14. august 1993 av Ole Didrik Lærum.
Minnesmerket er ca. 2,5 m. høgt og består av ubehandla naturstein frå Langedalen. Relieffet er laga av bilethoggaren Kari Buen. På namneplata står det: Helena Bu Dagestad 1867-1947.
Helena var ei særmerkt kvinne som livberga seg ved rosemåling og måling av brukskunst.. Ho vart i 1888 gift med treskjeraren Magnus Dagestad. I 1905 oppretta Vestlandske Kunstindustrimuseum ein snikkar -og treskjerarskule på Voss der Magnus vart styrar og Helena lærar i måling og fargelegging. Denne var ein forlaupar til Norsk Kunsthandverksskule. Helena og Magnus skilde seg i 1920. Helena flytte då til Myrkdalen, der ho budde til ho døydde i 1947.