Om kunstverket
Pride av itpd syner paven med regnbogekors og er slik eit Pride symbol.
– Eg laga eit verk med paven med Pride-fargane. Dette har eg laga i parkeringshuset og som bilete heng det i eit galleri i Roma, melder itpd.(Avisa Hordaland)
Symbolsamansetjnga er sterk. Kjem paven her ut av skapet, eller er det kanskje eit skifte til meir anerkjenning av Pride rørsla og menneska sin rett til å elska kven dei vil? Vossa Jazz kunstnaren 2021 itpd er ein «old school kunstnar» som nyttar sjablong og spray. Det er tradisjon for Vossa Jazz å skipa til kunstutstilling, og deler av 2021 utstillinga var utandørs på Vangen, eller som her inne i parkeringshuset VossaPark.
Kunstverket Pride finn ein ved heisen på nivå 2, inngang via Uttrågata. Kunstnarnamnet itpd kan ha tydinga: ikkje tenk på det. Men kunstverka til itpd får deg ofte til å tenkja eller å sjå ting på ein ny måte. ITPD -Invitation to Participate in Dialogue kjenneteiknar fleire av kunstverka til itpd.
